شلونكم عيوني والله جبتلكم اغنية شخبط شخابيط بس بالعراقي
وان شاء الله تعجبكم واني متأكد راح تعجبكم توكع على الجرح
@@@@@@@@@@@@@@@@@@@@@@@@@@@@@@@
ياوزير الكهرباء ديربالك تنتل *** انت كاعد على المكيف وانه جدي مشتعل
كلت اجاني الخير كلشي ماشفت ** وظعي جان مطين وأصبح زفت
جنت خايف هل وكت اكثر خفت
أشاهد على الدرب لو شفت الرتل
ياوزير الكهرباء ديربالك تنتل انته كاعد على المكيف وانه جدي مشتعل
انوب فوك القهر وكل البلاء
كلت يتحسن صبح اكثر جفاء
حتا النفط والغاز كام يمد رجل
ياوزير الكهرباء ديربالك تنتل انته كاعد على المكيف وانه جدي مشتعل
ياوزير الكهرباء يمته الفرج *** نخلص من السطح واصعود الدرج
والاسلاك مشربكه هرج ومرج
والارهابي يخرب ويمشي عدل
ياوزير الكهرباء ديربالك تنتل انته كاعد على المكيف وانه جدي مشتعل
ياهل النفط ياهل الغاز وين الغاز وين النفط
منين اجاكم ايعاز حق المواطن يلفط
عالدرب دلونه المن تبيعونه
جنه مكتب صرنه فرع صار الوضع اكثر خرط
ياهل النفط ياهل الغاز وين الغاز وين النفط
قنينه بخمسه امطعجه ومعفسه توصل للبيت منفسه
تشتعل اول لمسه
ينترس المطبخ غاز ويه الروايح ينخبط
ياهل النفط ياهل الغازوين الغاز وين النفط
يالدول الشقيقه يالدول الصديقه قنانيه عتيقه
كامت تعزف موسيقه *** خاف تسوي حريقه
تشتعل المنطقه وابو ابوكم ينسمط
ياهل النفط ياهل الغاز وين الغاز وين النفط
نفطي تنكته باربعه ومخسفه ومظلعه
ومختاري خوش يوزعه
حتا المواطن جزعه
النفط شكد مكروهُ
هم كاموا يسرطوهُ سرط
ياهل النفط ياهل الغاز وين الغاز وين النفط
منين اجاكم ايعاز حق المواطن يلفط
مع تحياتي ان شاء الله عجبتكم
موضوع: يا وزير الكهرباء دير بالك لتنتل 
الأحد فبراير 17, 2008 10:59 am
